Израелските сили уапсија 20 Палестинци на Западниот Брег

КУДС (АА) - Најмалку 20 Палестинци се приведени на окупираниот Западен Брег, јавува Агенција Анадолија (АА).

Според вестите на палестинската официјална новинска агенција ВАФА, израелските сили извршиле рации во куќи во различни делови на Западниот Брег.

Во текот на рациите приведени се 20 лица, воглавно од градовите Витлеем, Џенин и Хеброн, а забележано е дека помеѓу нив се и еден малолетник и студент.

Израелските сили, кои често вршат рации во домовите на окупираниот Западен Брег и источен Кудс (Ерусалим), ги приведуваат Палестинците по различни основи.

Некои од Палестинците, меѓу кои и жени и деца, се држат во центрите за притвор по приведувањата кои станаа вообичаена пракса на Западниот Брег и источен Кудс.