Индонезија сака индонезискиот јазик да биде заеднички јазик на Југоисточна Азија

ЏАКАРТА (АА) - Министерот за образование и култура на Индонезија, Надием Макарим, истакна дека посакува индонезискиот јазик да биде заеднички јазик во Југоисточна Азија, пренесува Агенција Анадолија (АА).

Наведувајќи дека за ова прашање е разговарано на состаноците на Парламентарната комисија, Макарим рече дека Националната агенција за развој и примена на јазикот ќе започне со активностите индонезискиот јазик да стане заеднички јазик во регионот.

Макарим истакна дека треба да се сонуваат големи соништа, при што рече дека заедничкиот јазик ќе ја направи Индонезија посилна од другите земји, особено на економски и културен план.

Индонезија, четврта најнаселена земја во светот со население од над 265 милиони, е економски најсилната земја во Унијата на Југоисточна Азија (ASEAN).