İdris Okuducu
08 Декември 2019•Ажурирај: 09 Декември 2019
ИСТАНБУЛ (АА) - Високиот судски совет на Ирак соопшти дека се ослободени 2.626 демонстранти приведени за време на мировните протести во земјата, пренесува Агенција Анадолија (АА).
Според соопштението на прес-центарот на ирачкиот Висок судски совет, бројот на ослободените лица приведени за време на демонстрациите кои започнаа на 1 октомври, изнесува 2.626 лица.
Во ова соопштение се нагласува дека делегација при овој Совет го следи досието на демонстрантите, и дека во тек се истрагите против 181 лице против кои постојат различни обвиненија.
Според соопштението на Високиот независен комесаријат за човекови права на Ирак објавено на 4 декември, во демонстрациите кои започнаа на 1 октомври во оваа земја, со цел протестирање против невработеноста, корупцијата и недоволните јавни услуги, загинаа најмалку 460 лица, додека 19.000 лица се повредени.
Ирачкиот премиер Адил Абдулмехди на 29 ноември беше принуден да поднесе оставка поради антивладините протести.
