Ирачкиот премиер Ал Судани сака да ја продлабочи економската соработка со Туркије

БАГДАД (АА) - Ирачкиот премиер Мохамед Шиа ал Судани изјави дека новите стратешки проекти со Туркије наскоро ќе бидат имплементирани, пренесува Анадолу.

Ал Судани во интервју за телевизијата „Ал Џезира“ ги коментираше односите меѓу Ирак и Туркије.

„Имаме многу партнерски договори и интереси со соседна Туркије. Има некои проблеми во однос на водата и безбедноста, но има и големи можности за решавање на овие проблеми“, рече тој.

Ал Судани изрази желба за натамошно продлабочување на економската соработка со Туркије.

„Наскоро ќе бидат реализирани нови стратешки проекти кои ќе ги зајакнат нашите билатерални односи“, додаде ирачкиот премиер.

Ал Судани истакна дека нема да дозволи Ирак да биде област за напади врз соседните земји и дека ќе работи со заеднички комисии со Туркије и Иран за да се гарантира безбедноста на границите.

Напоменувајќи дека помирувањето на Иран и Саудиска Арабија е важно за стабилноста и развојот на регионот, Ал Судани рече дека Сирија треба да се врати во Арапската лига.