Bayram Altuğ
14 Септември 2021•Ажурирај: 15 Септември 2021
ЖЕНЕВА (АА) - Меѓународната независна истражна комисија за Сирија при Обединетите нации (ОН) соопшти дека во Сирија не постои соодветна средина за безбедно и чесно враќање на мигрантите во земјата, пренесува Агенција Анадолија (АА).
Комисијата објави извештај, што се состои од 46 страници, во врска со состојбата на хуманитарните права во Сирија во периодот од 1 јули 2020 до 30 јули 2021 година.
Во извештајот се наведува дека забележан е раст на судирите и насилството во северниот и јужниот дел на земјата.
Претседателот на Меѓународната независна истражна комисија за Сирија, Пауло Пинеиро, во врска со извештајот истакна дека во граѓанската војна што трае веќе 10 години во Сирија, страните продолжуваат да вршат воени злосторства и злосторства против човештвото.
Инаку, Комисијата во извештаите објавени претходните години наведе дека активностите на коалицијата под водство на САД во Сирија, активностите на Русија, на режимот, и на терористичката организација ЈПГ/ПКК можно е да бидат вклучени во воените злосторства.
„Продолжува војната против сириските цивили и тешко цивилите да најдат безбедно место или засолниште во оваа земја, која е уништена од страна на војната“, рече Пинеиро.
Пинеиро укажа на актите на Асадовиот режим врз цивилите, и нагласи дека продолжуваат прекршувањата на основните човечки права на Сиријците.
Во извештајот се наведува дека Асадовиот режим не направил чекор за постигнување усогласување во земјата, и дека Асадовиот режим непрекинато продолжува со арбитрарните приведувања.
Исто така, во извештајот се нагласува дека во Сирија не постои соодветна средина за „безбедно и чесно враќање на мигрантите во земјата“.
Во извештајот се додава дека секој ден сè повеќе се влошува состојбата во зоните што се под окупација на терористичката организација ЈПГ/ПКК, која го користи името СДГ во Сирија.
