Yıldız Aktaş
13 Февруари 2016•Ажурирај: 14 Февруари 2016
АНКАРА (AA) - Премиерот на Република Турција Ахмет Давутоглу вечерва во Анкара изјави дека силите на терористичката организација моментално мора да се повлечат од околината на Азез во Сирија, јавува Anadolu Agency (AA).
"ЈПГ (YPG) моментално да се одалечи од Азез и да не му се приближува", рече турскиот премиер потсетувајќи дека силите на терористичката организација која е огранок на ПКК во Сирија не смеат да го загрозуваат слободниот коридор недалеку од турско-сириската граница ниту да прават чекори кон употреба на аеродромот Минак против Турција или против опозицијата.
Давутоглу потсети дека се загриженоста поради настаните во тоа подрачје ја пренесе разговарајќи по телефон со заменикот на американскиот претседател Џо Бајден. ПЈД во своите намери претставува закана по безбедноста на пограничниот простор помеѓу Турција и Сирија така да, како што рече, потребно е да бидат преземени мерки.
Премиерот на Турција Ахмет Давутоглу вечерва изјави дека турските вооружени сили ги гранатирале положбите на терористите во Сирија, сместени недалеку од Алепо. Турските вооружени сили возвратија денес на огнот упатен од положбите на терористичката организација ПЈД, огранок на терористичката организација ПКК во Сирија, потврдија воените извори, јавува Anadolu Agency (AA).
Турските вооружени сили ги гранатираа положбите на терористите ПЈД/ПКК во Маранас недалеку од Алепо во Сирија, откако терористите го гранатираа подрачјето околу базата Акчабаглар во Турција. Турската војска возврати со артилериски оган во склад со правилата за ангажманот. Покрај тоа, минофрлачки проектил испукан од положбите на силите лојални на сирискиот претседател Башар ал-Асад, падна денес во 14:45 часот по локално време во близина на полициската станица во турскиот Хатај. Турската војска возврати со артилериски оган.
