Италијанската премиерка ги пофали како одлични односите со Туркије и вети нивно натамошно унапредување

АТИНА (АА) – Италијанската премиерка Џорџа Мелони денес ги пофали одличните односи со Туркије и вети нивно понатамошно унапредување, јавува Анадолу.

Говорејќи на заедничката прес-конференција во Рим со турскиот претседател Реџеп Таип Ердоган, по турско-италијанскиот меѓувладин состанок, Мелони ги истакна историските и опсежни односи меѓу двете земји во повеќе области.

„Денес ја потврдуваме цврстината на нашите односи и ги поставуваме темелите за понатамошно зајакнување на нашето партнерство“, рече таа.

Посочувајќи дека обемот на трговска размена меѓу земјите достигна 32 милијарди долари, надминувајќи ја заедничката цел од 30 милијарди долари, Мелони ја објави новата цел од 40 милијарди долари трговска размена на среден рок.

„Потребно е многу работа, но и двете страни можеме да сметаме на динамиката на нашите компании и институции“, додаде таа.