Катар започна по воздушен пат да доставува хуманитарна помош за сирискиот народ

АНКАРА (АА) - Катар објави дека почнува по воздушен пат​​​​​​​ да доставува хуманитарна помош за сирискиот народ по падот на режимот на Башар ал Асад, се вели во соопштението објавено денес, јавува Анадолу.

Катарското Министерство за надворешни работи соопшти дека според наредбите на емирот на земјата, шеикот Тамим бин Хамад ал-Тани, во југоисточниот турски град Газиантеп пристигнал првиот катарски воен товарен авион со храна и медицинска помош обезбедени од Катарскиот фонд за развој.

Се истакнува дека товарниот авион со помош од Катар е за да му помогне на сирискиот народ и да придонесе за ублажување на неговата хуманитарна ситуација.

Асад и неговото семејство побегнаа во Русија откако антирежимските групи ја презедоа контролата врз главниот град Дамаск рано во неделата, одбележувајќи го падот на режимот на партијата Баас, кој беше на власт во Сирија од 1963 година.