Кина поддржува „балансирана, целосно имплементирана“ Иницијатива за жито преку Црно Море

ИСТАНБУЛ (АА) - Кина денес ја поддржа „целосно спроведената“ Иницијатива за жито преку Црно Море, јавува Анадолу.

„Кина се надева дека Црноморската иницијатива за жито ќе продолжи да биде балансирана и целосно имплементирана“, рече Мао Нинг, портпаролка на кинеското Министерство за надворешни работи.

Мао рече дека Кина, исто така, ги предложила своите иницијативи за меѓународна соработка за безбедноста на храната, објави пекиншкиот весник „Глобал тајмс“.

„Кинеската страна е подготвена да ги подобри комуникацијата и соработката со сите страни за да поттикне поголем меѓународен консензус и да обезбеди глобална безбедност на храната“, рече Мао.

Пред една година Туркије, ОН, Русија и Украина потпишаа Договор во Истанбул за обновување на извозот на жито од три украински пристаништа на Црно Море, кој беше запрен по почетокот на руско-украинската војна во февруари.

Договорот се очекува да истече денес доколку не биде одобрено продолжување.

Во Истанбул беше формиран Заеднички координативен центар со официјални претставници од трите земји и ОН за да ги надгледува пратките.

Сепак, руските власти навестија дека овој месец би можеле да го блокираат продолжувањето на Договорот за жито, жалејќи се дека делови од Договорот за дозволување на рускиот извоз останале неисполнети.