Киргистан соопшти дека ги префрлил образовните институции поврзани со ФЕТО на турската фондација Маариф

ИСТАНБУЛ (АА) - Киргистан денес соопшти дека ги префрлил сите образовни институции поврзани со терористичката организација ФЕТО на турската фондација Маариф, јавува Анадолу.

Во соопштението издадено од киргистанскиот Кабинет на министри се вели дека одлуката била објавена за време на состанокот помеѓу заменик-претседателот на киргистанската Влада, Едил Баисалов, и координаторот на турската фондација Маариф за Киргистан, Хусну Бирчан.

„Оваа одлука се заснова на обезбедување на најдобриот интерес на студентите и учениците од Киргистан и на заслужената репутација на Фондацијата како доверлив партнер во областа на образованието“, се вели во соопштението.

ФЕТО го организираше неуспешниот обид за државен удар на 15 јули 2016 година во кој во Туркије беа убиени 252 лица, а 2.734 беа ранети.

Туркије ја обвинува ФЕТО дека стои зад долготрајната кампања за соборување на државата преку инфилтрација во турските институции, особено во војската, полицијата и судството.