Кремљ: Путин ќе се состане со Трамп во Хамбург

МОСКВА (АА) - Од Кремљ е потврдено дека рускиот претседател Владимир Путин и претседателот на САД, Доналд Трамп, ќе се сретнат на маргините на самитот на лидерите на земјите од Г-20 во германскиот Хамбург, јавува Anadolu Agency (AA).

Советникот за надворешни работи во кабинетот на рускиот претседател, Владимир Ушаков, соопшти дека Путин и Трамп ќе остварат средба во Хамбург на 7 јули, првиот ден од 12. самит на Г-20.

Претходно, Белата куќа најави дека првата средба на двајцата лидери би можела да се одржи за време на самитот во Хамбург.

Постојат многу теми на кои Путин и Трамп би можело да разговараат, а се очекува во прв ред да се разговара за кризата во Украина и Сирија, и за дипломатските несогласувања помеѓу Вашингтон и Москва.