Лукашенко положи заклетва за нов претседателски мандат во Белорусија

- Александар Лукашенко денес по седми пат положи заклетва како претседател на Белорусија на инаугурациската церемонија што се одржа во Церемонијалната сала, најголема просторија во Палатата на независноста во главниот град Минск

МОСКВА (АА) - Александар Лукашенко денес седми пат положи заклетва како претседател на Белорусија, јавува Анадолу.

Инаугурациската церемонија се одржа во Церемонијалната сала, најголема просторија во Палатата на независноста во Минск, главниот град на земјата.

На настанот беа поканети повеќе од 1.100 гости.

Непосредно пред пристигнувањето на Лукашенко во салата беа внесени националното знаме на Република Белорусија и претседателското знаме.

Со десната рака на Уставот, Лукашенко ја положи заклетвата, по што следуваше интонирање на националната химна.

Потоа претседателот на Централната изборна комисија му го предаде официјалниот сертификат за функцијата.

Лукашенко беше избран за претседател на изборите одржани на 26 јануари, кога доби повеќе од 5,1 милион гласови, односно речиси 87 отсто од вкупниот број дадени гласови.

Комисијата официјално ги потврди изборните резултати на состанокот одржан на 3 февруари.