Милицијата на Хафтар изврши ракетен напад врз воена медицинска установа во Триполи

ТРИПОЛИ (АА) – Еден здравствен работник загина, а шест службеници се повредени во нападот на милицијата на Калифа Хафтар, водачот на илегалните вооружени сили во источна Либија, врз воената здравствена установа во главниот град Триполи, пренесува Агенција Анадолија (АА).

Потсекретарот на Министерството за здравство, на легитимната Влада за национално единство, Емин ел-Хашими, во изјава за дописникот на АА, рече дека еден вработен го загубил животот при нападот на врз воената здравствена установа од страна на милицијата на Хафтар.

Наведувајќи дека во нападот се повредени шест здравствени работници, Хашими рече дека причинета е голема материјална штета.

Милициите на Хафтар вчера извршија шест ракетни напади врз теренската болница во главниот град Триполи, при што сериозно е оштетена болницата и возилата за брза помош.