Нигерија: Две студентки се киднапирани во вооружен упад во универзитет

АБУЏА (АА) - Две студентки се киднапирани при вооружен упад во еден универзитет во нигериската сојузна држава Замфара, пренесува Анадолу.

Портпаролот на полицијата во Замфара, Мохамед Шеху, истакна дека сè уште неидентификувани вооружени лица упаднале во Федералниот универзитет што се наоѓа во местото Гусау.

Шеху информира дека при упадот се киднапирани две студентки.

Според него, на местото на настанот се упатени безбедносни сили и започната е операција за спасување на студентките.

И покрај тоа што киднапирањето луѓе се казнува со егзекуција, во Нигерија често се случуваат киднапирања за откуп.