Нигерија со изградба на тоалети планира да ги спречи заразните болести во земјата

АБУЏА

Владата на западноафриканската држава Нигерија, со изградба на бесплатни тоалети на различни локалитети планира да го спречи ширењето на вирусите и бактериите кои се причина за создавање заразни болести, известува Агенција Анадолија (АА).

Д-р Ема Абах, директорка на нигериска државна агенција, во изјавата дадена за медиумите соопшти дека заедно со сојузното Министерство за водни ресурси спроведуваат проект со кој во наредните пет години на различни локации во внатрешноста на земјата планираат да изградат тоалети.

„Нашите навики негативно влијаат на нас. Некористењето тоалети претставува произведување бактерии и вируси“, рече д-р Абах.

Во првата етапа на кампањата „Чиста Нигерија: Користи тоалет“ се планира изградба на тоалети во 13 подрачја.

Во својата изјава пред новинарите д-р Абах истакна дека низ целата земја околу 47 милиони лица не користат тоалети, додавајќи „Наша цел е со изградба на бесплатни тоалети, што поголем број луѓе да ги користат тоалетите.“

Во исто време, околу 70 проценти од популацијата на Нигерија има потешкотии да дојде до чиста вода, а 10% од децата на возраст до 5 години ги губат своите животи поради недостигот на чиста вода.