Нов договор на терористите во Сирија: ЈПГ/ПКК за паричен надомест ослободи терористи на ДЕАШ

АНКАРА (АА) - Терористичката организација ЈПГ/ПКК ги ослободи заробените терористи на ДЕАШ во окупираната сириска покраина Рака, јавува Anadolu Agency (AA).

Неименуван извор за АА изјави дека раководството на ЈПГ/ПКК постигнало договор со терористичката организација ДЕАШ и за паричен надомест ослободило најмалку 40 терористи од затворот во подрачјето Тел Абјад.

Сè уште не е познато во кој правец отишле ослободените терористи на ДЕАШ.

Претходно, терористите на ЈПГ/ПКК за време на окупацијата на Африн од затвор ги ослободија заробените терористи на ДЕАШ, под услов да се борат против турските сили и сириската опозиција кои со операцијата „Маслинова гранка“ го ослободија тој регион.

И во октомври минатата година терористите на ЈПГ/ПКК со договор им дозволија на терористите на ДЕАШ да го напуштат центарот на Рака.

Терористичката организација ЈПГ/ПКК под окупација во моментот држи 28 отсто од територијата на Сирија, а претежно се окупирани регионите во северниот и североисточниот дел на земјата.