Пакистанскиот суд го ослободи поранешниот премиер Имран Кан

КАРАЧИ (АА) - Пакистанскиот суд денес го ослободи поранешниот премиер Имран Кан во случајот во кој беше обвинет за оддавање државни тајни, јавува Анадолу.

Советот на Високиот суд во Исламабад на чело со главниот судија Амер Фарук, во кратка пресуда, исто така, го ослободи од вина и министерот за надворешни работи на Кан, Шах Мехмуд Куреши, кој беше исто така обвинет во случајот.

Првостепениот суд ги осуди двајцата на 10 години затвор во она што е познато како „случај шифра“.

Случајот е поврзан со дипломатската комуникација меѓу Вашингтон и Исламабад, за кои Кан рече дека биле дел од американскиот заговор за соборување на неговата влада пред две години.

Кан, кој дојде на власт во 2018 година, го загуби гласањето за доверба во Парламентот во април 2022 година, една година пред да истече неговиот мандат.

Моментално е во затвор поради случајот за нелегален брак заедно со сопругата. Лани истиот суд му ја поништи пресудата во случајот за корупција.