По долго боледување, на 88-годишна возраст почина папата Франциск

ИСТАНБУЛ (АА) - На 88-годишна возраст почина папата Франциск по долга борба со тешка болест, соопшти Ватикан денес, пренесува Анадолу.

Според претходно објавено соопштение од Ватикан, папата страдал од долготрајна респираторна болест слична на астма, поврзана со тромбоцитопенија.

Франциск е роден на 17 декември 1936 година во Буенос Аирес, Аргентина, во семејство на италијански имигранти.

Образованието го стекнал во Аргентина, а дел од студиите ги продолжил и во Германија, пред да биде ракоположен за свештеник на редот на језуитите во 1969 година.

Повеќе од една деценија како поглавар на Римокатоличката црква, папата Франциск остана фигура што предизвикува и восхит и контроверзии.

Тој се залагаше за реформи во ватиканската бирократија, борба против корупцијата и решавање на некои од најгорките предизвици со кои се соочува Црквата.

И покрај тоа што често беше пофалуван за својата скромност и посветеност на социјалната правда, неговото лидерство се соочуваше и со остра критика и отпор, особено од конзервативните кругови во Црквата и пошироко.