Murat Temizer
17 Ноември 2022•Ажурирај: 18 Ноември 2022
АНКАРА (АА) - Полскиот премиер Матеуш Моравиецки, потсетувајќи дека 2 лица загинаа како резултат на ракетата која падна во земјата, рече дека смртта на нивните граѓани е вина на Русија, пренесува Агенција Анадолија (АА).
Моравиецки синоќа на телевизиска програма истакна дека полската држава ќе се грижи за семејствата на жртвите.
Нагласувајќи дека експертите за балистика и ракети продолжуваат со анализите во врска со ракетата, Моравиецки упати благодарност до сојузниците за дадената поддршка.
Тој рече дека правилно ја менаџираат кризата и дека еден од доказите во оваа насока е состојбата на финансиските пазари и моќта на полската валута.
Премиерот на Полска потсети дека како резултат на ракетата која падна на полска територија, животот го загубија двајца полски граѓани, и додаде:
„Смртта на нашите граѓани е вина на Русија која не само што ја напаѓа Украина, туку во исто време ја тероризира оваа земја со силни ракетни напади и напади со дронови. Нашето оружје не е да се плашиме, туку да останеме смирени. Ги модернизираме нашите одбранбени сили. Купуваме модерни оружја од САД.“
