Претставничкиот дом на САД го усвои законот за воведување санкции кон Меѓународниот кривичен суд

ВАШИНГТОН (АА) - Претставничкиот дом на САД во четвртокот го усвои нацрт-законот за воведување санкции кон Меѓународниот кривичен суд (МКС) во знак на протест поради налозите за приведување на израелските официјални лица, известува Анадолу.

Предлог-законот, кој беше претставен минатиот петок, беше усвоен со 243 гласа „за“ и 140 „против“.

Законот за сузбивање на нелегитимните трибунали наметнува санкции за оние кои помагаат во напорите на МКС да ги процесуира Американците или Израелците

Во ноември, МКС издаде налози за приведување на израелскиот премиер Бенјамин Нетанјаху и поранешниот министер за одбрана Јоав Галант за воени злосторства и злосторства против човештвото во Појасот Газа.

Американската конгресменка Рашида Тлаиб го критикуваше гласањето.

„Што е нивниот главен приоритет првата недела од новиот Конгрес? Намалување на трошоците? Решавање на станбената криза? Не, тоа е санкционирање на Меѓународниот кривичен суд за да го заштити геноцидниот манијак (израелскиот премиер Бенјамин) Нетанјаху за да може да го продолжи геноцидот во Газа “, напиша Тлаиб на платформата Х.

Претставникот Џим Мекговерн ги критикуваше републиканците бидејќи им дале приоритет на санкциите кон МКС среде шумските пожари во Калифорнија.

Лидерот на мнозинството во Сенатот, Џон Тун, вети дека ќе го изнесе предлог-законот пред сенатот.

Израелската војска ја продолжи својата геноцидна војна во Појасот Газа во која се убиени повеќе од 46.000 Палестинци, главно жени и деца, од 7 октомври 2023 година, и покрај резолуцијата на Советот за безбедност на ОН која повикува на итен прекин на огнот.