Путин: Русија се надева дека Израел еден ден ќе се повлече од територијата на Сирија

ИСТАНБУЛ (АА) - Рускиот претседател Владимир Путин денес изрази надеж дека Израел „еден ден“ ќе се повлече од територијата на Сирија, но верува дека дополнителните сили и сегашното засилување на теренот ќе бидат долгорочен проблем, јавува Анадолу.

„Се надеваме дека Израел еден ден ќе ја напушти Сирија, но сега носи дополнителни трупи таму. Имам впечаток дека, не само што нема да замине, туку и ќе ги зајакне своите сили таму“, рече Путин како одговор на прашањето на Анадолу за време на годишната конференција за новинари во Москва.

„Русија го критикува заземањето на која било сириска територија“, рече Путин, додавајќи дека акциите на Израел во Појасот Газа се „само за осуда“.

Тој смета дека Израел ги користи настаните што се случуваат во Сирија.

Рускиот претседател рече и дека е во постојан контакт со турскиот претседател Реџеп Таип Ердоган, посочувајќи дека разговарале за ситуацијата на Блискиот Исток.

Путин додаде дека односот на Ердоган кон настаните на Блискиот Исток им е добро познат на сите, како и ставот на Русија, која смета дека палестинското прашање може да се реши само со „отстранување на причината за неговото потекло“.

„Израел е создаден; Палестина, всушност, не е создадена до ден-денес. Тоа е целиот проблем“, изјави Путин, потсетувајќи на одлуките на Советот за безбедност на ОН усвоени за ова прашање.