Путин ја надгледува обуката на руските нуклеарни сили

МОСКВА (АА) - Рускиот претседател Владимир Путин денеска ја надгледуваше обуката на руските нуклеарни сили против можен нуклеарен напад врз неговата земја, се вели во соопштението на Кремљ, јавува Агенција Анадолија (АА)

„Путин лично водеше обука на силите за стратешко одвраќање на копно, море и воздухопловство, за време на која беа спроведени практични лансирања на балистички и крстосувачки ракети“, се вели во соопштението.

Интерконтиненталната балистичка ракета „Јарс“ беше лансирана од рускиот Државен тест космодром Плесецк, заедно со балистичката ракета „Синева“ - од Баренцовото Море - на полигонот Кура во рускиот регион Камчатка на Далечниот Исток.

Во обуката учествуваше и стратешкиот носач на ракети со долг дострел Ту-95МС, кој лансира крстосувачки ракети од воздух.

Путин го провери и нивото на подготвеност на органите на воената управа и вештините на раководниот и оперативниот персонал во организирањето на управувањето со војниците.

„Задачите поставени за обука на силите за стратешко одвраќање се целосно завршени, сите ракети стигнаа до своите цели, потврдувајќи ги наведените карактеристики“, се вели во соопштението.