Русија: Сè уште нема сигнал од Украина за преговорите

МОСКВА (АА) - Портпаролот на Кремљ, Дмитри Песков, изјави дека нема сигнал од Украина во врска со преговорите, јавува Анадолу.

Тој нагласи дека украинскиот проблем има можност да се реши на преговарачка маса.

„Досега веројатно никој не видел никаков сигнал од Украина. Засега се однесуваме како да е правно невозможно украинската страна да преговара“, изјави Песков.

Тој посочи дека за Русија е приоритет да ги постигне своите цели во однос на Украина.

„Постојат некои факти. Значи, постои нова руска територија, постои Устав што не може да се игнорира и од кој руската страна никогаш нема да се откаже. Руската Федерација има одредени цели што ги постигна за време на специјалната воена операција. Овој проблем може да се реши и на преговарачка маса. Меѓутоа, во овој случај, постигнувањето на целите што ги поставивме е наш приоритет“, рече Песков.

Украинскиот претседател Владимир Зеленски потпиша указ во октомври 2022 година со кој се отфрла можноста за преговори со рускиот претседател Владимир Путин.

Зеленски минатата недела во Киев рече дека по почетокот на војната од големи размери, рускиот претседател сега е некој друг, и дека повеќе нема да седи на преговарачка маса со Русија.