Русија соопшти дека 63 војници се враќаат дома по новата размена на воени заробеници со Украина

МОСКВА (АА) - Руското Министерство за одбрана денес објави дека 63 војници се вратиле дома преку уште една размена на воени заробеници со Украина, пренесува Анадолу.

„Лица од 'чувствителна категорија' се во групата ослободени руски војници, благодарение на посредништвото на раководството на Обединетите Арапски Емирати“, соопшти Министерството.

Претходната размена на воени заробеници меѓу Русија и Украина се спроведе на 31 декември 2022 година, Русија ослободи 142 украински војници, а Украина ослободи 82 Руси.

Во јануари, руската омбудсманка Татјана Москалкова рече дека разговорите се во тек за понатамошна размена на воени заробеници.