Русија тврди дека соборила украински дронови во Тверската Област и Калуга

МОСКВА (АА) - Русија денес соопшти дека нејзината противвоздушна одбрана спречила напади на украински беспилотни летала во нејзините западни области Калуга и Твер, пренесува Анадолу.

Две беспилотни летала на Киев се соборени движејќи се кон таргетираните објекти во текот на ноќта, се наведува во соопштението на Министерството за одбрана.

Се додава дека руските системи за противвоздушна одбрана ги уништиле украинските беспилотни летала во воздушниот простор на областите Калуга и Твер.

Нападите со беспилотни летала на територијата на Русија драматично се зголемија во последните месеци, особено во подрачјето на Москва и регионите кои граничат со Украина, како и на Крим, кој Русија нелегитимно го анектира во 2014 година.

Руските власти ја обвинија Украина дека стои зад овие напади.

Иако Киев ја нема преземено одговорноста, украинскиот претседател Владимир Зеленски во јули изјави дека нападите на руска територија се „неизбежен, природен и апсолутно фер процес“.