САД: Во оружен напад пред погребално претпријатие ранети 7 лица

МИЛВОКИ

Во градот Милвоки во американската сојузна држава Висконсин се случи оружен напад пред погребално претпријатие во кој се ранети 7 лица, пренесува Агенција Анадолија (АА).

Според веста што ја објави локален телевизиски канал, нападот се случил во попладневните часови пред погребалното претпријатие „Серенити“, додека таму се наоѓале десетици лица.

Властите информираа дека меѓу седумтемина ранети се наоѓаат мажи и жени на возраст од 24 до 48 години кои се пренесени во најблиските болници.

Том Берет, градоначалникот на Милвоки, за локалниот телевизиски канал изјави дека нападот бил извршен од возило во движење кое минувало покрај погребалното претпријатие.

Во тек е истрага на полицијата во врска со настанот.