САД: Воз удри во авион што слета на шините, пилотот е спасен

АНКАРА

Воз удри во авион што слета на шините во американската сојузна држава Калифорнија, САД, а пилотот е спасен непосредно пред да се случи судирот, пренесува Агенција Анадолија (АА).

Според изјавата на Противпожарната служба на Лос Анџелес, малиот авион од типот „Цесна“ морал да слета на блиските шини по полетувањето од аеродромот „Вајтмен“.

Екипата што пристигнала на местото на настанот го извадила пилотот од авионот непосредно пред возот да удри во него.

Пилотот е полесно повреден, додека патниците во возот не се повредени.

Започната е истрага за инцидентот.