СЗО: „Ситуацијата со Ковид-19 во Турција е подобра отколку во Европа и САД“

ИСТАНБУЛ

Ситуацијата со Ковид-19 во Турција не е толку лоша како и во другите европски земји или САД, поради почитувањето на преземените мерки, како што се носењето маски и социјалното дистанцирање, се соопштува од Канцеларијата на Светската здравствена организација во Турција, пренесува Агенција Анадолија (АА).

Интервјуто спроведено од германскиот меѓународен радиодифузер „Дојче веле“ (Deutsche Welle) со Канцеларијата на СЗО во Турција во врска со најновата состојба со Ковид-19 во земјата и светот, за жал, беше погрешно протолкувано од страна на некои медиуми, соопштија на социјалната мрежа Твитер од СЗО во Турција.

Споделувајќи го интервјуто на социјалните медиуми, СЗО соопшти: „Ситуацијата глобално е алармантна, при што бројот на случаи на заразување се зголемува и поради тоа што во зимата одиме повеќе во затворени простории, поголема е веројатноста за зголемување на бројот на заразени.“

Зборувајќи за пристапот на Турција кон борбата против Ковид-19, СЗО во Турција соопшти дека кога се работи за бројот на случаи, турскиот министер за здравство, Фахретин Коџа, не кажал ништо што не е споделено со турскиот народ.

СЗО бара од сите земји членки да ги пријават сите позитивни случаи, без разлика дали се симптоматски или асимптоматски.

„Во случајот на Турција, ние ги пријавуваме асимптоматските случаи и обезбедуваме изолација и карантин, ги откриваме асимптоматските случаи со цел да го спречиме тивкото ширење на вирусот во Турција“, се додава.

Во врска со транспарентноста на Турција во врска со бројот на случаите на заразување, СЗО нагласи: „Турција се справи многу добро од самиот почеток. Не сме толку лоши во ова, како некои други земји. Но мораме да останеме посветени на сите мерки за ублажување.“

„Турција, нејзиното Министерство за здравство и СЗО имаат многу цврсти односи. Регионалниот директор на СЗО ја посети Турција двапати во изминатите шест месеци, што укажува на многу цврсти билатерални односи“, се соопштува.

Коментирајќи ја веродостојноста на кинеската вакцина против Ковид-19, што Турција ја нарача, СЗО соопшти дека не вршат проценка тукутака на каква било вакцина, дијагностички третман или третман. „Ние споделуваме докази и упатства.“

Одобрувањето или неодобрувањето на вакцините е во дискреција на организациите во земјите, особено во итни случаи.

Канцеларијата соопшти дека производителите на вакцини КОВАКС споделуваат податоци со СЗО и со другите, додавајќи дека тие имаат податоци за втората фаза на кинеската вакцина, но дека сè уште не добиле податоци за третата фаза.