Сирија: На годишнината од ослободувањето на Африн од терористите, спречен голем терористички напад

Опозициската Слободна сириска војска (ССВ) спречи голем терористички напад во центарот на сирискиот град Африн, јавува Anadolu Agency (AA).

Опозициските сили открија и неутрализираа автомобил полн со експлозив на најфреквентната улица во Африн.

Автомобилот на таа локација е оставен вчера, а требало да експлодира денеска, на првата годишнина од ослободувањето на тој сириски регион од терористите на ЈПГ/ПКК.

Турските вооружени сили и Слободната сириска војска го ослободија Африн од терористите на ЈПГ/ПКК минатата година.

По успешната операција „Маслинова гранка“, ситуацијата во Африн се нормализира, но безбедносна закана и понатаму претставуваат тајните ќелии на терористичката организација ЈПГ/ПКК.