Советот за безбедност на OОН едногласно ја усвои резолуцијата со која се подржува мапата на патот за мир во Сирија

ЊУЈОРК (АА) - Советот за безбедност на Обединетите нации едногласно ја усвои резолуцијата со која се поддржува мапата на патот за мировниот процес во Сирија, јавува Anadolu Agency (AA).

Во резолуцијата се наведува дека мировните преговори, кои ги поддржува Организацијата на обединеите нации (ООН), како и прекинот на огнот би требале да почнат во јануари.

Дипломатските извори наведуваат дека во резолуцијата се наведува дека челникот на ООН во рамките на принципите на Спогодбата од Женева од страните во Сирија ќе бара најрано во јануари да започнат со преговорите.

На состанокот на Меѓународната група за поддршка на Сирија страните го усогласиле текстот на предлогот на резолуцијата на Советот за безбедност на Обединетите нации кој подоцна е и усвоен. Договорот за нацртот на резолуцијата е постигнат во Њујорк, во третата рунда на разговорите на Меѓународната група за поддршка во Сирија.

На состанокот во Њујорк присуствуваа министрите за надворешни работи на САД, Русија, Турција, Кина, Египет, Франција, Германија, Иран, Ирак, Италија, Јордан, Либан, Оман, Катар, Саудиска Арабија, Обединетите Арапски Емирати и Велика Британија, како и претставници на Обединетите нации, ЕУ и Арапската лига.