Три лица повредени во напад со стрели од пикадо во Германија

БЕРЛИН

Германската полиција соопшти дека три лица се полесно повредени во Келн откако се погодени со стрели од пикадо, најверојатно со помош на дувало, пренесува Агенција Анадолија (АА).

Полицијата во соопштението наведе дека градежен работник, случаен минувач и вработен на градската корпорација за јавен превоз се полесно повредени откако се погодени со стрели долги неколку сантиметри во близина на градскиот плоштад „Барбаросаплац“.

Неколку полициски тимови вршат истрага и се во потрага по сторителите. Од можните сведоци побарано е да стапат во контакт со полицијата во Келн.