Туркије, Шведска и Финска ќе одржат состанок за кандидатурите за пристапување во НАТО

БРИСЕЛ (АА) - Туркије, Финска и Шведска ќе одржат состанок во март за да разговараат за пристапувањето во НАТО на двете нордиски земји, соопшти денеска генералниот секретар на Алијансата, Јенс Столтенберг, јавува Анадолу.

Столтенберг говореше на заедничка прес-конференција со естонскиот премиер Каја Калас и претседателката на Европската комисија, Фон дер Лајен во Талин, Естонија.

Столтенберг рече дека имал „добар разговор со претседателот [Реџеп Таип] Ердоган“ за време на неговата посета на Анкара минатата недела.

„Се согласивме да ги рестартираме разговорите и да одржиме трилатерална средба помеѓу Финска, Шведска и Туркије во седиштето на НАТО кон средината на март под мое покровителство“, истакна тој.

Страните ќе разговараат како да се заврши процесот на пристапување на двете држави.

Столтенберг, исто така, го поздрави потегот на унгарскиот Парламент за започнувањето на процесот за ратификување на Протоколот за пристапување на двете земји следната недела.