Турција: Фатени 41 мигрант во обид да преминат во Грција

БАЛИКЕСИР (AA) - Во местото Ајвалик, во турската област Баликесир, фатени се 41 непријавен мигрант, а станува збор за група која се обиде преку илегален пат да премине на грчкиот остров Лезбос, јавува Anadolu Agency (AA).

Екипата на турската крајбрежна стража во текот на патролирањето во Ајвалик забележа група која со чамец отплови во морската шир. Во акцијата која следуваше фатени се најмалку 41 лице, а станува збор за мигранти од Авганистан.

Меѓу фатените, кои илегално се обиделе да ја напуштат Турција, имало жени и деца.

Откако екипите на крајбрежната стража поделиле храна и облека, мигрантите се предадени на надлежните органи.