Франција: Приведен мажот осомничен за убиство на сопругата и 4 деца

АНКАРА (АА) – Мажот осомничен за убиство на сопругата и четирите деца е приведен во централна Франција, објавија локалните медиуми, пренесува Анадолу.

Убиствата го шокирале подрачјето на Мо во близина на Париз кога соседот забележал крв на вратата од станот на парот и повикал полиција доцна во понеделникот. Соседните семејства планирале заедно да ја поминат божиќната вечер.

Полицијата открила пет тела од исто семејство, меѓу кои мајката и четирите деца на возраст од четири, седум и 10 години и 9-месечно бебе, според телевизијата BFMTV.

Таткото на ова семејство (33), кој страдал од психијатриски проблеми, е приведен изутрина во соседниот град Севран, каде што побарал засолниште во куќата на неговиот татко.

Таткото на четири деца бил познат кај луѓето околу него како „психолошки кревок“ и бил следен од 2017 година.

На прес-конференција, обвинителот во Мо, Жан-Батист Бладиер, рече дека осомничениот ја избодел својата сопруга во 2019 година, но таа не поднела жалба. Исто така, не била поднесена пријава поради ограничената интелектуална состојба на човекот.