Ahmed Asmar
26 Декември 2023•Ажурирај: 27 Декември 2023
РАМАЛА (АА) – Палестина денес ги повика Обединетите нации официјално да прогласат глад во Појасот Газа, кој е под немилосрдни израелски напади од 7 октомври, пренесува Анадолу.
„Меѓународните извештаи покажуваат ширење на гладот меѓу палестинските семејства кои поминуваат цели денови без храна“, се вели во соопштението на Министерството за надворешни работи.
„Повеќе од милион луѓе во Појасот Газа гладуваат“, се додава.
Генералниот секретар на ОН, Антонио Гутереш, претходно изјави дека четири од пет најгладни луѓе во светот се во Газа.
„Околу 1,9 милиони раселени лица се во засолништа и се изложени на глад, а 50.000 бремени жени се во засолништа без вода, лекови или здравствена заштита“, соопшти Министерството.
Израел го нападна Појасот Газа по прекуграничниот напад на палестинската група Хамас на 7 октомври, при што загинаа најмалку 20.915 Палестинци, главно жени и деца, а беа повредени повеќе од 54.918.
Израелските напади ја претворија Газа во урнатини, со половина од становите на крајбрежната територија оштетени или уништени, а речиси 2 милиони луѓе се раселени во густо населената енклава поради сериозен недостиг на храна и чиста вода.
