Франција ќе достави Предлог-резолуција до Советот за безбедност на ОН за прекин на огнот меѓу Израел и Палестина

ОБЕДИНЕТИ НАЦИИ

Франција до Советот за безбедност на Обединетите нации (СБОН) ќе достави Предлог-резолуција за прекин на огнот меѓу Израел и Палестина, јавува Агенција Анадолија (АА).

Советот за безбедност на ОН се состана по четврти пат на затворена седница на која се разговараше за напнатоста меѓу Израел и Палестина и воздушните напади врз Газа.

Според информациите на дописникот на АА добиени од дипломатски извори по состанокот, Франција заедно со Тунис ќе поднесе Предлог-резолуција со која се бара „прекин на огнот и пристап до хуманитарна помош“ до Советот за безбедност на ОН.

Кинескиот постојан претставник на ОН, Џанг Ѓун, претседавачот на Советот во месец мај, во изјавата за медиумите пред состанокот рече: „Конфликтите и насилството мора да завршат, цивилите мора да бидат заштитени.“

Советот за безбедност на ОН се состана трипати претходно за да разговара за кризата Израел-Палестина, но досега не е преземено никакво дејство поради произраелскиот став на САД, кои имаат право на вето во Советот.

Според ОН, повеќе од 58.000 Палестинци биле раселени поради израелските воздушни напади врз Газа.

​​​​​​​Во нападите на Израел извршени врз Појасот Газа, од 10 мај, животот го загубија 217 лица, од кои 63 деца и 36 жени, а 1.500 лица се повредени.