Четвртфинале на Лигата на шампиони: Манчестер Сити и Интер извојуваа победи во првите натпревари

СКОПЈЕ (АА)

Фудбалерите на Манчестер Сити и Интер остварија вредни победи во првите натпревари од четвртфиналето на Лигата на шампиони што се одиграа синоќа, известува Анадолу.

Манчестер Сити славеше на домашен терен со резултат 3:0 против Баерн од Минхен и направи голем чекор за влез во полуфиналето.

„Граѓаните“ поведоа со прекрасниот погодок на Родриго во 27. минута од средбата. На 2:0 зголеми Бернардо Силва во 70. минута по прекрасниот центаршут на Ерлинг Халанд, кој со погодок во 77. минута ги постави конечните 3:0.

Во вториот натпревар што се одигра синоќа, Интер извојува голема победа во Лисабон, совладувајќи ја Бенфика со погодоците на Никол Борел во 51. минута и на Ромелу Лукаку од белата точка во 82. минута.

Резултати од првите средби во Лигата на шампиони:

Манчестер Сити - Баерн Минхен 3:0

Бенфика - Интер 0:2

Вечерва на програмата се преостанатите две средби во кои се среќаваат Реал Мадрид - Челси и Милан - Наполи. И двата натпревари започнуваат во 21:00 часот.

Реванш-средбите од четвртфиналето на УЕФА Лигата на шампиони ќе се одиграат на 18 и 19 април.