Шефот на СЗО рече дека уште 17 пациенти од Газа се евакуирани во Јордан

Шефот на Светската здравствена организација (СЗО), Тедрос Аданом Гебрејсус, соопшти дека уште 17 пациенти од Газа вчера биле евакуирани во Јордан за специјализиран медицински третман, јавува Анадолу.

„Шестмина од пациентите имаат потреба од третман на карцином, а на 11 им е потребен третман за воени повреди“, рече Гебрејесус на социјалната мрежа Х денес, додавајќи дека биле придружувани од 17 лица.

Според неговите зборови, 12 од пациентите ќе продолжат да добиваат нега во САД.

Заблагодарувајќи им се на Јордан и на САД за нивната поддршка, тој рече: „Апелираме да се искористат сите коридори од Газа за да се осигури дека медицинската евакуација може да се случи непречено и брзо - илјадници пациенти сè уште чекаат специјалистичка здравствена заштита.“

Минатата недела, Тедрос рече дека на најмалку 12.000 пациенти им е потребна итна специјалистичка здравствена заштита надвор од Газа, бидејќи медицинската евакуација ретко добива дозвола, особено по затворањето на границата со Рафа.