Ahmet Furkan Mercan
26 Декември 2022•Ажурирај: 27 Декември 2022
ТОКИО (АА) - 14 лица загинаа во катастрофи и несреќи предизвикани од обилни снежни врнежи во различни делови на Јапонија, јавува Агенција Анадолија (АА).
Според државната телевизија НХК, снежните врнежи во северните и западните префектури што започнаа на 17 декември негативно се одразиле на животот.
Агенцијата за управување со пожари и непогоди објави дека бројот на загинати во непогоди и несреќи предизвикани од обилните врнежи од снег низ земјата се зголемил на 14, а бројот на повредени на 80.
Според соопштението на Хокаидо Електрик Пауер (ХЕПКО), околу 20.000 домови на најсеверниот остров Хокаидо останале без струја поради снежните врнежи.
Националните медиуми објавија дека обилните врнежи го нарушуваат воздушниот и железничкиот сообраќај во земјата.
