Бразилскиот дефанзивец Бремер го обнови договорот со Јувентус до 2028 година

ИСТАНБУЛ (АА)

Бразилскиот дефанзивец Глеисон Бремер го продолжи договорот со Јувентус до 2028 година, објави италијанскиот клуб, пренесува Анадолу.

Според соопштението објавено на официјалната веб-страница на Јувентус, Бремер рече дека е многу возбуден поради обновувањето но договорот на уште пет години и дека е среќен што ќе продолжи со тимот од Торино.

„Се надевам дека ќе играм многу добро и ќе продолжам по овој пат. Пред една и пол година го избрав Јуве бидејќи тоа е победнички тим, екипа способна да освои девет скудети по ред, но она што ја направи разликата беше што штом дојдов овде, разбрав дека Јувентус е семејство“, изјави Бремер.

Дваесет и шестгодишниот фудбалер претходно играше за Атлетико-МГ и Торино и трипати настапи за бразилската репрезентација.

„Оваа година сме самоуверена група, пристигнаа нови момчиња да ни подадат рака, но добро знаеме дека сѐ уште ништо не сме освоиле: свесни сме за силата на Интер и наша задача е да останеме таму“, рече Бремер.