Emre Aşıkçı
16 Јули 2024•Ажурирај: 16 Јули 2024
ИСТАНБУЛ (АА) - Селекторот на Англија, Герет Саутгејт, поднесе оставка по поразот од Шпанија во финалето на ЕВРО 2024, потврди денес Англиската фудбалска асоцијација, јавува Анадолу.
„Како горд Англичанец, ми беше чест во животот да играм за Англија и да бидам селектор на Англија. Тоа ми значеше сѐ, и дадов сѐ од себе. Но, време е за промени и за ново поглавје. Неделното финале во Берлин против Шпанија беше мојот последен натпревар како селектор на Англија“, истакна Саутгејт.
Во неделата, Шпанија ја победи Англија со 2:1 и ја освои титулата на УЕФА, ЕВРО 2024, на Олимпија стадионот во Берлин.
Приклучувајќи ѝ се на Англија во 2011 година, Саутгејт ги предводеше Трите лава до финалето на ЕВРО 2020, кога беа поразени од Италија, и до полуфиналето на Светското првенство 2018, кога Хрватска ги победи.
За време на својата кариера како играч, 53-годишниот фудбалер настапуваше за Кристал Палас, Астон Вила и Мидлсброу.
