ЕВРО 2024: Навивачите на Туркије пред дуелот со Португалија направија одлична атмосфера во Дортмунд

ДОРТМУНД (АА) - Носени од еуфоријата од победата во првото коло на Европското фудбалско првенство против Грузија, навивачите на турската фудбалска репрезентација направија одлична атмосфера во Дортмунд пред вечерашниот дуел од второто коло против Португалија, јавува Анадолу.

За спектакуларната атмосфера придонесоа и „огнените“ навивачи на Туркије со палење факели и димни бомби во црвена боја.

Покрај натпреварот меѓу Туркије и Португалија, кој на програмата е од 18 часот, во второто коло од групата „Ф“ денеска во Хамбург ќе играат уште Чешка и Грузија.