Етиопјанката Летесенбет Гидеј освои златен медал на 10.000 метри на Светското првенство

ИСТАНБУЛ (АА) - Летесенбет Гидеј од Етиопија го освои златниот медал на трката на 10.000 метри на Светското првенство во атлетика што се одржува во американскиот град Јуџин, известува Агенција Анадолија (АА).

„По Доха 2019 година, светската рекордерка Летесенбет Гидеј конечно освои злато и на 10.000 метри!“, објави „World Athletics“ - Меѓународната асоцијација на атлетски федерации, на социјалната мрежа Твитер.

Гидеј победи пред Кенијките Хелен Обири и Маргарет Челимо Кипкембои со време 30:09.94.

Гидеј (24) освои сребрен медал на Светското првенство во атлетика 2019 година и бронза на Олимписките игри во Токио 2020 година.