Мурињо: „Манчестер има иднина без мене, како и јас без Јунајтед“

ЛОНДОН (АА) - Манчестер Јунајтед е мое минато. Тоа е завршена приказна, изјави Жозе Мурињо, португалскиот фудбалски тренер, кој на почетокот на неделата беше сменет од клупата на славниот Манчестер Јунајтед, пренесува Anadolu Agency (AA).

Во изјава за „Скај спорт“ (Sky sport), тој истакна дека и по 895 дена поминати во Јунајтед би можел да зборува за многу работи, од кои некои не се добри.

„Но јас не сум таков. Манчестер Јунајтед има иднина без мене. И јас имам иднина без Јунајтед. Зошто сега би делел повеќе кога се во прашање моите емоции, дури и со навивачите?! Готово е“, изјави Мурињо.

Одредени медиуми пишуваа и дека Мурињо поради отказ од Манчестер Јунајтед ќе добие обештетување во износ од 24 милиони фунти, што тој не сакаше да го потврди, но ниту да го демантира.