Ердоган рече дека Туркије нема да толерира тероризам во Сирија

МЕРСИН (АА) - Турскиот претседател Реџеп Таип Ердоган денес ја претстави визијата за регионално единство, мир и самоопределување, потврдувајќи го цврстиот став на Туркије против тероризмот во Сирија, известува Анадолу.

„Имаме нулта толеранција за терористичката организација ЈПГ, која окупира една третина од земјата (Сирија). Наскоро ќе преземеме чекори за да го решиме ова прашање од темел“, рече Ердоган за време на своето обраќање на 8. редовен областен конгрес на АК партијата во градот Мерсин на југот од Туркије.

Турскиот претседател ја истакна решеноста на Туркије да ги спречи сите планови кои ја загрозуваат регионалната стабилност.

„Ние сме решени или со разоружување или елиминирање на терористичките организации да го спречиме спроведувањето на нови сценарија за Сирија“, рече Ердоган.

„Заврши ерата на оние кои во изминатиот век слободно шетаа во овој регион со политика на раздели па владеј“, истакна претседателот на Туркије.

Ердоган ја посочи на важноста од зајакнување на автохтоното население во регионот.

„Отсега иднината на регионот ќе ја одредуваат неговите древни народи, а сите одлуки во врска со природните ресурси ќе останат во надлежност на вистинските сопственици на регионот“, порача Ердоган.

„Без разлика кој што зборува, се нарушува вековната игра. Ветровите на братството и мирот дуваат низ нашиот регион, отворајќи ја вратата за нова ера на просперитет“, нагласи Ердоган.