Ердоган: Туркије официјално ќе ѝ даде статус на „нуклеарна постројка“ на електраната Аккују

АНКАРА (АА) - Турскиот претседател Реџеп Таип Ердоган денес изјави дека Туркије на 27 април официјално ќе ѝ додели на нуклеарната централа Аккују статус на нуклеарна постројка, јавува Анадолу.

Ветувајќи дека ќе се завршат домовите во регионите погодени од земјотресот минатиот месец, Ердоган на состанокот на пратеничката група на Партијата за правда и развој (AK Parti) во Парламентот потврди дека ќе се преземат напори што ќе осигурат дека животот на погодените од земјотресот ќе се врати во нормала.

Ердоган, исто така, истакна дека ќе објави „добри вести“ на 20 април, за време на „церемонијата за транспорт на црноморскиот гас до Фиљос“.

„Следниот месец (април) со нашата нација ќе ја споделиме радоста од нашите многубројни извонредни проекти во одбранбената индустрија, од Хурџет до бродот Анадолу“, додаде тој.

Хурџет е млазен авион за тренинг и лесни напади од турско производство, дизајниран да игра клучна улога со користење на неговите супериорни карактеристики на изведбата со неговиот единечен мотор, тандем и кокпит со модерна авионска кабина.

Во меѓувреме, ТЦГ Анадолу, кој ќе биде најголем воен брод на Туркије, исто така, се подготвува да се вклучи во инвентарот.

Истакнувајќи дека ќе им биде домаќин на директорите на првиот турски бренд на електрични возила, Тогг, Ердоган рече: „Изјавивме дека сакаме првиот ТОГГ да биде произведен на церемонијата за отворање на фабриката за сериско произвоство. Се надевам дека ќе го добиеме нашето возило во понеделник.“

Ердоган рече дека Тогг добил над 177.000 нарачки однапред.

Претходните нарачки за ТОГГ Т10Х беа добиени онлајн од 16 до 27 март.

Цената на стандардниот модел Т10Х ќе се движи помеѓу 953.000 турски лири (околу 50.200 долари) и 1.055 милиони лири (околу 55.600 долари), додека лонг-рејнџ моделот е со цена од 1.215 милиони лири (околу 64.000 долари).