Ердоган ќе замине во официјална посета на САД за да присуствува на Генералното собрание на ОН

АНКАРА

Турскиот претседател Реџеп Таип Ердоган ќе престојува во четиридневна посета на САД за да присуствува на 76. сесија на Генералното собрание на Обединетите нации (ОН), јавува Агенција Анадолија (АА).

Во седиштето на ОН во Њујорк, Ердоган ќе се обрати на Генералното собрание, кое започнува следниот вторник, 14 септември.

Ердоган, исто така, се очекува да има билатерални средби со лидерите на различни земји на маргините на собранието.

Тој, исто така, треба да го отвори 36-катниот центар „Туркеви“ во Менхетен.

Зградата, која користи традиционални турски архитектонски мотиви, особено од Селџучката Империја, се издига кон небото во форма на лале и може да се види од центарот на Менхетен, Ист Ривер и Лонг Ајленд.

Зградата е дизајнирана како симболичен облакодер што ќе се вклопи во хоризонтот на Њујорк, еден од најпознатите градови во светот и ќе ја одразува турската култура, историја и разноликост.