Ferdi Türkten, Kemal Karadağ
14 Мај 2023•Ажурирај: 14 Мај 2023
АНКАРА (АА) - Претседателот на Врховната изборна комисија на Туркије (ЈСК), Ахмет Јенер, истакна дека во 18:30 часот по локално време ја укинале забраната за емитување во врска со претседателските и парламентарните избори во земјата, јавува Анадолу.
Јенер, во изјавата за медиумите, нагласи дека изборите на национално ниво завршија мирно, додека процесот на гласање заврши низ целата земја во 17:33 часот по локално време.
Почна броењето на гласовите за да се утврдат резултатите од претседателската трка меѓу претседателот Реџеп Таип Ердоган, кој бара реизбор, главниот кандидат на опозицијата Кемал Киличдароглу и кандидатот Синан Оган.
Граѓаните на Туркије денес гласаа на претседателските и парламентарните избори и избираа меѓу тројца претседателски кандидати, 24 политички партии и 151 независен кандидат за Парламентот, кој има вкупно 600 пратенички места.
Право на глас на изборите имаа 64,11 милиони луѓе, а првпат имаа можност да гласаат над 4,9 милиони турски граѓани.
