Обвинителството во Анкара издаде налог за апсење на 54 лица поврзани со ФЕТО

АНКАРА (АА) - Обвинителството во Анкара издаде налог за апсење на најмалку 54 лица поврзани со ФЕТО, поради сомнеж дека украле прашања за приемен испит, и на тој начин се примени во полициската академија 2012 година, јавува Anadolu Agency (AA)

Во соопштението од обвинителството е наведено дека за време на истрагата е утврдено дека припадниците на вооружената терористичка организација ФЕТО украле прашања за приемен испит за полициската академија 2012 година, и прашањата ги споделиле на членовите на оваа организација.

Со истрагата исто така е утврдено дека се сторени кривични дела членство во терористичката организација и измама на штета на јавните институции.

Потоа е издаден налог за апсење на најмалку 54 лица за кои е утврдено дека на овој начин се примени во полициската академија.

Во тек е акцијата на приведување на осомничените.