Полицијата приведе 15 лица во антитерористичка акција во Истанбул

Турската полиција во Истанбул утрово изведе акција во која се приведени најмалку 15 лица кои се сомничат за поврзаност со младинските ограноци на терористичката организација ПКК, јавува Anadolu Agency (АА).

Во текот на претресот на низа адреси на полицајците од Одделот за борба против тероризмот поддршка им пружија и припадниците на специјалната полиција, како и еден полициски хеликоптер.

Приведените се сомничат дека извршиле повеќе грабежи во маркети во истанбулските населби Газиосманпаша и Султангази и извеле напади со молотови коктели во неколку истанбулски паркови. Полицијата при приведувањето запленила и две пушки и еден пиштол.

Турските безбедносни сили изведуваат опсежни антитерористички операции ширум земјата а посебно во источните и југоисточните провинции каде се изведуваат и воздушни напади врз упориштата на терористите од ПКК на планините.